Die leier van die DA, Mmusi Maimane, het ’n beroep op die ANC se parlementslede gedoen om sy party se beplande mosie van wantroue in president Jacob Zuma te steun.
Hy het op ’n nuuskonferensie in Johannesburg ’n beroep op die ANC-parlementslede gedoen om uit oortuiging te stem en gesê indien hulle dit nie doen nie, laat hulle die mense van Suid-Afrika in die steek.
Maimane sê die DA sal hom tot die hof wend om seker te maak die mosie word wel bespreek.
Die party het byna drie weke gelede reeds gevra dat die speaker, Baleka Mbete, die mosie van wantroue op die sakelys plaas.
The post DA BEPLAN MOSIE VAN WANTROUE IN ZUMA appeared first on Radio Rosestad 100.6FM.