‘n Verdagte is in hegtenis geneem in verband met die moord op die 55-jarige Annerie Grobler gister op ʼn plaas buite Ventersdorp in Noordwes.
Polisiewoordvoerder, luitenant-kolonel Pelonomi Makau, sê nog twee vermeende aanvallers het weggekom.
Grobler is vroeg gisteroggend dood aangetref op die plaas wat voorheen aan die voormalige AWB-leier, Eugene Terre’Blanche, behoort het.
Sy is met groot klippe en ʼn tuinvurk vermoor waarna die aanvallers met haar wit Isuzu-bakkie gevlug het.
Volgens Makau is die bakkie kort daarna met behulp van ʼn helikopter in Hartbeesfontein opgespoor.
The post VROU OP PLAAS VERMOOR: VERDAGTE GEARRESTEER appeared first on Radio Rosestad 100.6FM.