Die Nasionale Vervolgingsgesag het ‘n nuuskonferensie belê vir vanoggend by sy hoofkwartier in Silverton, Pretoria.
Dit sou ‘n halfuur gelede begin het.
Dit kom te midde van berigte oor die naweek dat die hoof van die NVG, Shaun Abrahams, glo besluit het om die aanklagte van bedrog teen die minister van Finansies, Pravin Gordhan, die voormalige kommissaris van die Suid-Afrikaanse inkomstediens, Oupa Magashula, en die voormalige adjunk-kommissaris, Ivan Pillay, terug te trek.
Abrahams het egter die berigte ontken.
Die ANC intussen sê alle beskikbare lede van die party se nasionale uitvoerende komitee sal in die hof wees wanneer die minister Gordhan Woensdag in die Hooggeregshof in Pretoria verskyn.
Die party se woordvoerder en ‘n lid van die NUK, Zizi Kodwa, het aan Eyewitness News gesê lede van die ANC se hoogste besluitnemingsliggaam steun die minister.
The post NUUSKONFERENSIE DEUR NVG OOR BERIGTE appeared first on Radio Rosestad 100.6FM.