Drie mense is dood en drie ander ersntig gewond na nog ‘n trompop-botsing die afgelope paar dae in die Vrystaat.
Die polisie ondersoek tans die oorsaak van ‘n ongeluk wat vanoggend op die N8 buite Bloemfontein plaasgevind het.
Drie insittendes van twee voertuie wat reg van voor teen mekaar gebots het, is op die toneel dood verklaar.
Drie persone is in die ongeluk beseer en deur ER-24 Noodienswerkers behandel.
Saterdag is twee mense dood in nog ‘n trompop-botsing op die N8 buite Ladybrand.
In ‘n derde soortgelyke ongeluk gister naby Sasolburg is twee mense dood nadat ‘n BMW en ‘n swaarvoertuig op die R 57 reg van voor teen mekaar gebots het.
The post VRYSTAAT: 3 DOOD, 3 ERG BESEER IN N8 BOTSING appeared first on Radio Rosestad 100.6FM.