Die Suid-Afrikaanse Inkomstediens beskuldig die hoof van die Onafhanklike Polisie-ondersoekdirektoraat, Robert McBride, daarvan dat hy agter alles sit nadat ’n regsbeampte van die SAID beweer het hy is by die SAID se kantoor in Brooklyn, Pretoria, deur lede van die Valke aangehou en beroof.
Twee senior amptenare van die Valke het glo aan die City Press gesê hulle meen die betrokke amptenaar, Vlok Symington, en McBride het die hele ding beplan.
Vier Valke-lede het Symington glo gekonfronteer oor ‘n e-pos wat per abuis aan hom gestuur is waarin die SAID se eie regsverteenwoordigers blykbaar gesê het die strafregtelike aanklagte teen die minister van Finansies, Pravin Gordhan, is ongegrond.
The post “MCBRIDE SIT AGTER ALLES” – SAID appeared first on Radio Rosestad 100.6FM.