Die DA het ‘n beroep op president Jacob Zuma gedoen om die bedrag geld bekend te maak wat bestee is aan litigasie vir die Nkandla-hofsake.
Die party sê die presidensie se antwoord op ‘n geskrewe vraag oor die aangeleentheid, was vaag.
Die Konstitusionele Hof het vroeër vanjaar bevind dat president Zuma verantwoordelik is vir opgraderings aan sy private woning wat nie met veiligheid verband hou nie.
‘n Woordvoerder, Sej Motau sê hulle het aan adjunkpresident Cyril Ramaphosa geskryf om te vra dat die president volledige besonderhede verskaf.
Motau sê ook dat die staat nie verantwoordelik gehou kan word vir die president se verdediging in die verband nie.
The post NKANDLA-HOFSAAK: “MAAK BEDRAG GELD BEKEND” appeared first on Radio Rosestad 100.6FM.