Kovsies Stabilis, ’n beweging wat hom beywer vir die stille meerderheid en studente wat wil studeer op die Kovsie-kampus, het reeds wye ondersteuning gekry.
Netwerk24 berig die beweging is op die been gebring midde-in die FeesMustFall-veldtog en bied dit ’n platform aan die meerderheid Kovsie-studente, hul ouers, personeel, alumni en belanghebbendes wat op die voortsetting van die normale akademiese en administratiewe aktiwiteite by die universiteit aandring.
Riaan Niemand, woordvoerder van Kovsies Stabilis, sê hulle is ’n groep studente, ouers en personeel wat bereid is om standpunt in te neem.
Hulle hoop om binnekort met die rektoraat van die universiteit te vergader waar hulle die versekering wil hê dat ’n omgewing op die kampus geskep word waarin studente met normale kampusaktiwiteite kan voortgaan.
The post KOVSIES STABILIS KRY WYE ONDERSTEUNING appeared first on Radio Rosestad 100.6FM.