Minstens twee universiteite het gewaarsku dat hulle die res van die akademiese jaar sal moet skrap indien die gewelddadige betogings voortduur.
Die Rhodes universiteit op Grahamstad het ‘n brief aan sy studenteraad gewaarsku dat indien normale akademiese aktiwiteite nie aanstaande week hervat word nie, die Universiteit verplig sal wees om vir die res van die jaar te sluit.
Die rektor van die Universiteit van Kaapstad, Max Price, het ‘n soortgelyke waarskuwing gerig.
Intussen duur die studentebetogings oor klasgelde steeds voort by verskeie universiteite.
Die Durbanse Universiteit van Tegnologie het klasse vandag en môre op al sy kampusse opgeskort.
Studente aan die Universiteit van Mpumalanga sê hulle sal nie teruggaan op hul eis van geen verhoging in klasgelde vir volgende jaar nie.
The post UNIVERSITEITE WAARSKU HUL GAAN RES VAN JAAR SKRAP appeared first on Radio Rosestad 100.6FM.