Eskom het begin om die kragtoevoer af te sny na munisipaliteite in
Mpumalanga wat sukkel om hulle skuld te betaal.
‘n Aantal munisipaliteite skuld die kragverskaffer miljoene rand.
Die Thaba Chweu-munisipaliteit in Mashishing, voorheen Lydenburg, ervaar kragonderbrekings sedert die begin van die week.
Die munisipale bestuurder, Thoko wa Kgwale, sê hulle skuld Eskom meer as R380 miljoen.
Kgwale sê hulle het met Eskom ooreengekom om R50 miljoen te betaal, maar die kragverskaffer het steeds voortgegaan met beurtkrag.
Hy het inwoners gevra om dringend vir hulle dienste te betaal.
The post Mpumalanga: Eskom sny krag af appeared first on Radio Rosestad 100.6FM.