Twee tuinwerkers van Bloemfontein word as helde beskou nadat hulle
terugbaklei het toe vier mans hul werkgewer se huis in Heuwelsig probeer beroof het.
Netwerk24 berig die vier aanvallers, van wie twee met vuurwapens gewapen was, het gister vroegoggend oor die huis se muur gespring in ’n roofpoging.
Twee van die rowers het dadelik die werkers oorval en probeer vasbind, maar hulle het egter teruggeveg en so ’n geraas gemaak dat al vier die rowers die hasepad gekies het.
Geen skote is afgevuur nie en niemand is beseer nie.
Sers. Fikiswa Matoti, polisiewoordvoerder, sê die rowers het met die huiseienaar se motor en heksleutels gevlug.
’n Klag van huisroof word ondersoek.
The post 2 tuinwerkers van Bfn veg teen rowers appeared first on Radio Rosestad 100.6FM.