Tien voertuie van die Mangaung-metro sal vandag onder die hamer kom om
weer uitstaande skuld aan diensverskaffers te help delg.
Netwerk24 berig onder die voertuie tel motors, bakkies en ’n sleepwaentjie.
Dit word verkwansel weens skuld aan Gobodo Forensic & Investigative Accounting wat nie betaal is nie.
Voorts sal ’n bakkie en ’n John Deere-trekker van die metro ook verkoop word vir skuld aan die Universiteit van die Vrystaat.
Andries Kruger, die balju, het die veiling bevestig, maar gesê hy kan nie meer besonderhede bekend maak nie.
Ernest Mohlahlo, finansiële hoof van die metro, sê hy is nie eens bewus van die voertuie wat opgeveil gaan word nie.
The post Metro verkoop voertuie om skuld te betaal appeared first on Radio Rosestad 100.6FM.