Die wrak van ‘n Amerikaanse oorlogskip wat in die Tweede Wêreldoorlog deur ‘n Japanse duikboot gekelder is, is na 72 jaar in die Stille Oseaan gevind.
Altesaam 880 mense het gesterf nadat ‘n torpedo die USS Indianapolis in Julie 1945 getref het.
Dit is steeds die grootste lewensverlies in die geskiedenis van die Amerikaanse Vloot.
Die skip het teruggekeer van ‘n geheime sending om onderdele van die atoombom af te lewer wat later gebruik is om Hiroshima te verwoes.
Die ontdekking is gedoen deur ‘n span onder leiding van Microsoft se medestigter, Paul Allen.
The post Wrak van USS Indianapolis na 72 jaar gevind appeared first on Radio Rosestad 100.6FM.