Die omstrede internet-veiling van renosterhoring gaan vandag voort nadat die Hooggeregshof in Pretoria gister die eienaar van die wêreld se grootste renosterplaas, John Hume, toestemming gegee het daarvoor.
Die owerhede het probeer om die veiling te verhoed omdat hulle meen dit sal die internasionale verbod op handel in renosterprodukte skaad en wou nie ‘n permit uitreik nie.
Hume se regspan het die hof daarvan oortuig dat die permit goedgekeur is nadat ‘n verbod op binnelandse handel in Suid-Afrika drie maande gelede opgehef is.
Hy sê hy het ses ton horing in voorraad waarvan hy net 500 kilogram wil verkoop.
The post Internet-veiling van renosterhoring gaan voort appeared first on Radio Rosestad 100.6FM.