Die familie van die Suid-Afrikaner Stephen McGown sê dit gaan goed met hom en hy ondergaan mediese toetse nadat hy die naweek in Mali vrygelaat is waar die terreurgroep Al Kaeda hom ses jaar lank aangehou het.
Hy is in November 2011 in Timboektoe ontvoer saam met die Sweed Johan Gustaffsson en die Nederlander Sjaak Rijke, wat vroeër vrygelaat is.
McGown se pa, Malcolm, het op ‘n nuuskonferensie in Johannesburg almal bedank wat betrokke was by sy seun se bevryding.
Die minister van Staatsekerheid, David Mahlobo, sê geen losprys is betaal nie en Suid-Afrika se betrekkinge met Mali is goed.
The post Dit gaan goed met Stephen, sê familie appeared first on Radio Rosestad 100.6FM.