Die Bank van Baroda het volgens berigte die Guptas se rekeninge gesluit en werknemers van hulle beleggingsmaatskappy Oakbay in die duister gelaat oor die voortgesette betaling van hulle salarisse.
Die besluit van die Indiese staatsbeheerde bank volg nadat Suid-Afrikaanse banke vroeër geweier het om verder met die omstrede familie sake te doen.
Werkers van Oakbay se media-filiaal, die koerant The New Age en die televisiediens ANN7, het aan IOL bevestig dat bestuur die nuus op ‘n vergadering aan hulle oorgedra het.
Die hoofbestuurder van Baroda se tak in Johannesburg, Shaikh Rauf, is blykbaar terug Indië toe.
The post Guptas se rekeninge gesluit appeared first on Radio Rosestad 100.6FM.