Die Suid-Afrikaanse Rugby-unie (Saru) het bevestig dat die Toyota Cheetahs na ‘n ooreenkoms uit die Vodacom Superrugby-reeks te ontrek en na ander internasionale geleenthede sal soek.
Die Toyota Cheetahs se raad het die span se toekoms heroorweeg en “is opgewonde om aan alternatiewe internasionale kompetisies deel te neem.”
Die Southern Kings het ook aangekondig dat hulle nie meer aan die Superreeks sal deelneem nie. Dié span oorweeg dit ook om aan ander internasionale toernooie deel te neem.
Die twee spanne se aankondiging kom ure voor ‘n spesiale algemene vergadering van Saru Vrydagoggend waar ‘n besluit geneem moet word oor die vier Suid-Afrikaanse spanne wat sal deelneem aan aanstaande jaar se Superreeks.
Die twee spanne se besluit volg ook op maande se onsekerheid oor hoe Saru die spanne vir aanstaande jaar sal verminder.
Ingevolge ‘n besluit deur SANZAAR kan net vier Suid-Afrikaanse spanne deelneem aan aanstaande jaar se Superreeks.
Saru sê in ‘n verklaring dat die Toyota Cheetahs se raad die span se toekoms heroorweeg het en “opgewonde is om aan alternatiewe internasionale kompetisies deel te neem.”
Saru sê ‘n amptelike aankondiging deur die Toyota Cheetahs oor die pad vorentoe sal binnekort gemaak word.
The post Cheetahs onttrek uit Superrugby appeared first on Radio Rosestad 100.6FM.