Volgens die jongste inligting van die Departement van Energie kan die prys
van 93-oktaan en 95-oktaan petrol môre straks met 67,6c per liter en die prys van diesel straks met 60,7c per liter daal.
Die belangrikste redes vir hierdie verwagte prysdalings kan hoofsaaklik aan die daling in die gemiddelde maandelikse ru-olieprys tot bykans 45 dollar per vat toegeskryf word.
Die laer ru-olieprys kan steeds aan die onvermoë van die Organisasie vir Petroleumuitvoerlande (OPUL) om die ru-olie oorskot in die internasionale mark te verminder, toegeskryf word, asook die skerp styging in produksie en voorraadvlakke van brandstof in Amerika.
The post Moontlike prysdalings vir petrol, diesel appeared first on Radio Rosestad 100.6FM.