Die ANC se sekretaris-generaal, Gwede Mantashe, sê die storm rondom die bewerings van staatskaping is ‘n groter verleentheid vir die party as die Nkandla-skandaal.
Mantashe het tydens Jeugdagvieringe op Libode in die Oos-Kaap gepraat. Hy het ‘n beroep op partylede gedoen om saam te staan om die party se probleme op te los.
Hy het partylede ook daarteen gewaarsku om hulle by opposisiepartye te skaar wat die ANC uit die kussings wil lig. Mantashe het lede ook versoek om hulle van leierskapnominasies voor September te weerhou.
The post Mantashe vaar uit oor staatskaping appeared first on Radio Rosestad 100.6FM.