Ses verdagtes sal na verwagting vandag in die Johannesburg-landdroshof
verskyn in verband met die moord op drie lede van ‘n gesin van Northcliff wie se vasgebinde en verkoolde liggame vroeër die week in ‘n veld in Centurion gevind is.
Die ses word deur aanklagte van moord, ontvoering, huisroof, die besit van ‘n ongelisensieerde vuurwapen en ‘n gesteelde voertuig, asook eiendom, in die gesig gestaar.
Polisiewoordvoerder Kay Makhubela sê die ses is Woensdagaand in hegtenis geneem vir die moorde op die 57-jarige Gregory Naidoo, sy 51-jarige vrou, Melanie, en hul 23-jarige dogter, Rakiel.
The post Verkoolde liggame gevind: 6 in hof appeared first on Radio Rosestad 100.6FM.