Die kabinet het sy kommer uitgespreek oor die sogenaamde uitgelekte
Gupta-e-posboodskappe waarin president Jacob Zuma, ministers en amptenare geïmpliseer word vir onregmatige optrede.
Die minister van Kommunikasie, Ayanda Dlodlo, het op ‘n nuuskonferensie oor die jongste kabinetsvergadering gesê die kabinet is verbind tot goeie regering en dat almal onskuldig is totdat hulle skuldig bewys word.
Enigiemand met inligting oor beweerde onregmatige optrede deur staatsamptenare of ministers wat in die e-posboodskappe aan die lig kom, moet die wetstoepassingsagentskappe daaroor inlig sodat dit ondersoek kan word.
The post Kabinet bekommerd oor Gupta e-posse appeared first on Radio Rosestad 100.6FM.