‘n Reuse sinkgat wat besig is om op ‘n hoofroete in Centurion suid van Pretoria te ontwikkel, het die Tshwane-metro genoodsaak om gisteraand verskeie strate in die gebied te sluit as voorsorgmaatreël.
Die DA-raadslid in die gebied, Peter Sutton, sê die sinkgat is onder die kruising van Jean-laan en Gerhardstraat. Sutton sê hoewel die oppervlak van die straat nog nie ingeval het nie, hou dit groot gevaar in en motoriste word versoek om alternatiewe roetes te gebruik.
‘n Terreinvergadering word binnekort gehou om die omvang van die sinkgat te bepaal en om op stappe te besluit om skade te beperk.
The post Reuse-sinkgat in Pretoria appeared first on Radio Rosestad 100.6FM.