Betogers het vanoggend ‘n nabygeleë plaashuis aan die brand gesteek nadat borgtog in die landdroshof in Coligny in Noordwes aan Pieter Doorewaard en Phillip Schutte toegestaan is.
Netwerk24 berig dat skade ook by nog ‘n huis aangerig is, terwyl landerye ook aan die brand gesteek, en paaie en selfs die spoorlyn met klippe, doringdraad en brandende bande versper is.
Twee klaskamers van die Hillview-laerskool in Durban is intussen vanoggend aan die brand gesteek tydens ‘n gewelddadige betoging oor dienslewering.
Polisiewoordvoerder, luitenant-kolonel Thulani Zwane, sê betogers het ook paaie in die omgewing met brandende buitebande en klippe versper.
The post Coligny: Betogers steek plaashuis aan die brand appeared first on Radio Rosestad 100.6FM.