Die Demokratiese Alliansie (DA) het ‘n beroep op lede van die parlement gedoen om president Jacob Zuma uit sy posisie te stem wanneer ‘n mosie van wantroue teen hom in die parlement ingestel word.
Dit volg op die aankondiging gisteraand deur Zuma dat die minister van Finansies, Pravin Gordhan, en sy adjunk afgedank is.
Die leier van die DA, Mmusi Maimane, sê die is die parlement wat die president aangestel het en tans is dit net die parlement wat hom kan afdank.
Die EFF-leier, Julius Malema, het ook vir ’n mosie van wantroue in Zuma gevra.
Die DA beplan ‘n massa-aksie, waarvan die besonderhede vandag by ‘n mediakonferensie in Johannesburg bekengemaak sal word.
Afriforum sê in sy reaksie op die skommeling in die kabinet dit ‘n skande is dat die binnegevegte in die ANC nou so ontaard het, dat die Zuma-kamp nou selfs bereid is om die land se ekonomie en die rand se waarde op te offer om interne ANC-gevegte te voer.
AfriForum se uitvoerende hoof, Kallie Kriel, sê die hele land word nou benadeel en staan afgradering deur graderingsagentskappe in die gesig.
“Dit alles om een man, Jacob Zuma, se belange te dien,” sê Kriel.
The post “Dit alles om Zuma te dien” appeared first on Radio Rosestad 100.6FM.