Die ANC sê grondhervorming is die sleutel tot ekonomiese bestendigheid in Suid-Afrika.
Woordvoerder Zizi Kodwa sê die party sal die oordrag van grond na die swart meerderheid versnel om toekomstige verset af te weer.
Hy sê wanneer die ANC praat van radikale ekonomiese transformasie, gaan dit oor stabiliteit en om die land vorentoe te laat beweeg.
Kodwa sê indien daar nie beslissend opgetree word oor die grondkwessie nie, sal die land later ’n groter probleem hê.
Adjunk-president Cyril Ramaphosa het gister in die parlement gesê die regering se pogings om die ekonomie meer inklusief te maak, het nie genoeg verandering teweeggebring nie.
Hy het gesê dit is die rede waarom die staat voortstu met radikale ekonomiese transformasie.
The post “Grondhervorming is sleutel tot ekonomiese bestendigheid” appeared first on Radio Rosestad 100.6FM.