Die man van Bloemfontein wat twee minderjarige meisies gereeld verkrag het, is tot twee keer lewenslange tronkstraf gevonnis.
Johan Kleinhans is met sy vonnisoplegging gister in die Bloemfonteinse streekhof ’n verdere 15 jaar tronkstraf gevonnis op twee aanklagte van seksuele aanranding en twee aanklagte van die pleeg van seksuele dade in die teenwoordigheid van minderjarige kinders.
Netwerk24 berig dat streeklanddros Jan Greyvenstein verder gelas het dat Kleinhans en die kinders se ma, Zelda Dreyer, hul vonnisse só samelopend uitdien dat Kleinhans effektief tot een lewenslange tronkstraf gevonnis is en Dreyer tot 12 jaar.
Dreyer, wat Kleinhans se verloofde is, is tot 32 jaar tronkstraf gevonnis. Sy is is onder meer skuldig bevind op een aanklag van verkragting deurdat sy een van die meisies aangemoedig het om met Kleinhans seks te hê.
Beide se name sal in die register van seksuele oortreders aangeteken word.
The post Verkragter en verloofde swaar gevonnis appeared first on Radio Rosestad 100.6FM.