Die wêreld se grootste bierbrouery, Anheuser-Busch InBev, het ontken dat
meer as duisend bestuurders van SABMiller in Suid-Afrika oortollig verklaar gaan word.
Die maatskappy het egter bevestig dat hy met ‘n vrywillige skeidingspakket-program gaan begin.
Die Business Day berig interne memorandums toon dat AB InBev skeidingspakkette aan die Suid-Afrikaanse werknemers aangebied het na afloop van sy samesmelting met SABMiller.
‘n Woordvoerder van SAB, Robyn Chalmers, sê egter geen werknemer sal gedwing word om ‘n skeidingspakket te aanvaar nie.
The post BIERBROUERY BEGIN MET SKEIDINGSPAKKET-PROGRAM appeared first on Radio Rosestad 100.6FM.