Een van die drie vermeende verkragters van ’n student het in die landdroshof in Port Elizabeth verskyn op aanklagte van verkragting en ontvoering.
Die misdade is na bewering in Oktober verlede jaar gepleeg en volgens die student is sy agterna glo vir dood in die bosse gelaat.
Die polisie se kolonel Priscilla Naidu sê die 33-jarige man is Woensdagoggend by ’n huis in die Walmer-woongebied aangekeer.
Borgtog is intussen gister aan ‘n tweede beskuldigde, wat in November gearresteer is, geweier, terwyl die polisie nog na die derde man soek.
The post VERMEENDE VERKRAGTER VAN STUDENT IN HOF appeared first on Radio Rosestad 100.6FM.