‘n Voorlopige impak-studie dui daarop dat meeste inwoners van die Gariepdam-dorp nie ten gunste is van die bou van ‘n pypleiding na Bloemfontein om uit die Gariepdam waternood te help verlig nie.
Ariel Oosthuizen van GA Enviroment het aan Netwerk24 gesê inwoners is van mening dit kan veroorsaak dat die damvlak daal.
Kommentaar word tans ingewag op die voorlopige bestekopname vir die bou van die voorgestelde Mangaung-Gariep-wateraanvullingsprojek waar water met ’n pypleiding van die dam na Bloemfontein gebring sal word.
Oosthuizen sê die voorlopige bestekopname is ’ n voorlopige voorafstudie vir die omgewingsimpakstudie.
Volgens haar is dit egter duidelik dat inwoners en ook toeriste teen die bou van die pypleiding is.
The post GARIEP TEEN PYPLEIDING NA BLOEMFONTEIN appeared first on Radio Rosestad 100.6FM.