Die moordbeskuldigde, Christopher Panayiotou, se regspan sal vandag slotbetoë lewer in die uitgerekte verhoor in die Hooggeregshof in Port Elizabeth.
Die staat het verlede week sy slotbetoë gelewer en grootliks gefokus op bewyse oor waar selfone was.
Die staat het aan regter Dayalin Chetty gesê daar is genoegsame bewyse dat Panayiotou die ontvoering en moord op sy vrou, Jayde, in April 2015 beplan het.
Hulle voer aan dat ‘n geheime video van die polisie wat in die hof gewys is nie eers in aanmerking geneem hoef te word om Panayiotou se skuld te bewys nie.
In die video kan gehoor word hoe hy met die selferkende middelman, Luthando Siyoni, kort na Jayde se moord praat.
The post Panayiotou se regspan gaan slotbetoë lewer appeared first on Radio Rosestad 100.6FM.