Honderde motoriste het deelgeneem aan ‘n optog op die N1 buite Bloemfontein in die Vrystaat as deel van landwye protesoptrede vandag om aandag te vestig op plaasmoorde.
Volgens berigte is minstens 70 mense tot dusver vanjaar in plaasaanvalle dood.
Verkeer op die N1 is bykans tot ‘n stilstand gebring.
Talle protesgangers het agterop bakkies gery.
Johan Gunter van Radio Rosestad het twee deelnemers aan die optog gepols oor hul betrokkenheid.
‘n Griefskrif om te eis dat die polisie strenger optree teen plaasmoorde sal later vandag aan ‘n satelliet-polisiestasie buite Bloemfontein oorhandig word.
The post Swart Maandag: Honderde motoriste neem deel aan optog appeared first on Radio Rosestad 100.6FM.