Die N1 buite Bloemfontein is in rep en roer met die optog teen plaas-aanvalle
en plaasmoorde wat tans deur honderde motoriste meegemaak word.
Berigte sowel as foto’s en video’s op sosiale media wys dat Bloemfonteiners in hul honderde opgedaag het om aan die wettige optog deel te neem.
Na verneem word beweeg die verkeer op die N1 teen ‘n stadige pas en word motoriste op die pad versoek om geduldig te wees.
Die roete vanaf die Windmill Casino tot by Langenhovenpark word ‘n paar keer herhaal en binnekort word ‘n griefskrif aan die polisie oorhandig `n Saamtrek van boere vind vandag regdeur die land plaas om klem te lê op die aanvalle op boere en plaaswerkers.
Die R59-hoofweg in Vereeniging, Gauteng, word versper deur vragmotors en
motors ter ondersteuning van die Swart Maandag-veldtog teen plaasaanvalle.
‘n Konvooi beweeg intussen vanaf Stellenbosch na Kaapstad om fokus te plaas op die voortgesette aanslag op die landbougemeenskap.
Die roete is verskuif vanaf die N1 om padwerke te vermy en strek nou langs die Ou Paarlpad en Voortrekkerweg voor dit by die Kaapstad-stadion eindig.
Een van die organiseerders, Daniel Briers, het deelnemers aangesê om geen wapens saam te bring nie, maar eerder Bybels.
Boere kom ook saam by die Voortrekker-museum in Pretoria.
The post Bfn in rep en roer met optog teen plaasmoorde appeared first on Radio Rosestad 100.6FM.