Twee mans wat in die sogenaamde doodskis-saak skuldig bevind is aan
aanranding, ontvoering, intimidasie en poging tot moord word vandag in die
Rondgaande hof op Middelburg in Mpumalanga gevonnis.
Theo Jackson en Willem Oosthuizen het tydens strafversagting gepleit om genade.
Die maatskaplike werker het in die hof aangevoer dat hulle nie ‘n bedreiging vir die samelewing inhou nie.
Sy het ‘n vonnis van vyf jaar aanbeveel.
Die twee het verlede jaar Victor Mlotshwa in ‘n doodskis gedruk en gedreig om hom dood te maak omdat hy na bewering koperkabel sou steel.
Mlotshwa het tydens strafverswaring gesê hy is getraumatiseerd na die voorval en het gevra dat die twee 15 jaar lank tronk toe moet gaan.
The post Doodskis-saak: 2 mans word gevonnis appeared first on Radio Rosestad 100.6FM.