Die Hooggeregshof in Pretoria het Mkuseli Apleni se skorsing as direkteur-generaal van Binnelandse Sake tersyde gestel.
Die hof het bevind dat minister Hlengiwe Mkhize se optrede ongrondwetlik was en dat sy nie die bevoegdheid gehad het om dit te doen nie.
Sy is gelas om die koste van Apleni se aansoek te betaal.
Hy het buite die hof gesê hy is van plan om so gou moontlik terug te keer werk toe.
In dieselfde hof is President Jacob Zuma se uitvoerende magte steeds onder die soeklig.
Hy vra ‘n regshersiening van die gewese Openbare Beskermer, Thuli Madonsela, se bevindings in haar staatskapingsverslag.
Sy regspan betoog dat sy nie die mag gehad het om hom opdrag te gee om ‘n kommissie van ondersoek na staatskaping in te stel nie.
Advokaat Dali Mpofu het namens die UDM en Cope Zuma se standpunt teengestaan.
The post Skorsing van Apleni word tersyde gestel appeared first on Radio Rosestad 100.6FM.