Jaco Peyper gaan Saterdag die derde keer in die eindstryd blaas nadat hy aangestel is vir die kragmeting tussen die Haaie en Westelike Provinsie in Durban.
Hy was ook verlede jaar en in 2012 skeidsregter in die kampioenskap-stryde.
Peyper word bygestaan deur Egon Secons en AJ Jacobs, met Marius Jonker as televisie-skeidsregter.
Afskop is die middag vier uur.
Daar is intussen beserings in albei kampe.
Die WP-flank Jaco Coetzee het ‘n kopbesering en dit is nog nie seker of hy sal kan speel nie, terwyl die slot JD Schickerling van ‘n enkelbesering behoort te herstel.
Die senter EW Viljoen kan weens ‘n agterniesening-besering nie oorweeg word nie.
Die Haaie-vleuel Sbu Nkosi het sy elmboog verstuit en sal nie kan speel nie.
The post Jaco Peyper is skeidsregter vir Saterdag se Curriebeker-eindstryd appeared first on Radio Rosestad 100.6FM.