Die minister van Polisie, Fikile Mbalula, het onthul dat die moordkoers die afgelope jaar toegeneem het, terwyl kontakmisdaad afgeneem het.
Hy het met die bekendmaking van die misdaadsyfers in die Parlement ook gesê die ontplooiing van die Weermag om die polisie te help met misdaadbestryding is ‘n taktiese besluit, en dat president Jacob Zuma uiteindelik sal besluit of soldate wel ontplooi gaan word.
Wapenvrye Suid-Afrika sê Mbalula het nagelaat om ‘n behoorlike plan voor te lê vir die herwinning van onwettige vuurwapens en streng regulering van wettige vuurwapens.
Die drukgroep sê hoewel die polisie geloof moet word vir die herwinning van ‘n bykomende 1362 vuurwapens, is hy steeds bekommerd dat die verbetering van 9% eerder toe te skryf is aan die groter beskikbaarheid van wapens as aan verbeterde wetstoepassing.
The post Misdaadsyfers: “Ontplooiing van Weermag is taktiese besluit” appeared first on Radio Rosestad 100.6FM.