Die onderwysvakbond Naptosa sê die aantal onderwysposte in skole gaan waarskynlik volgende jaar verminder word.
Die onderwysers wat aan ‘n spesifieke skool toegedeel word, word tans bepaal deur die getal leerders in die skool.
Naptosa sê die nuwe bepaling kan beteken dat sommige onderwysers na skole met minder onderwysers verskuif word.
Die woordvoerder van Naptosa, Basil Manuel, sê die Departement van Basiese Onderwys moet met die vakbonde beraadslaag sodat daar eenstemmigheid tussen alle partye kan wees oor die getal leerders vir elke onderwyser in ‘n skool.
Manuel sê hulle moet veral toesien dat hulle lede nie benadeel word nie.
The post “Onderwysposte gaan waarskynlik verminder word” appeared first on Radio Rosestad 100.6FM.