Dienslewering in Bloemfontein is gister die derde agtereenvolgende dag deur
stakende munisipale werkers ontwrig nadat onderhandelings tussen die
Mangaung-metro en die vakbond, Samwu, ’n dooiepunt bereik het.
Die stakers, wat teen korrupsie en nepotisme betoog, het voor die stadsaal voorwerpe aan die brand gesteek, vullis in die straat gegooi en paaie versper.
Hulle is deur die polisie met donshael en traanrook uiteengejaag. Die nasionale president van Samwu, Pule Molalenyane, sê die staking gaan vandag voortgesit word en dit sal voortduur totdat daar aan hul eise gehoor gegee word.
The post Dienslewering in Bfn weer ontwrig appeared first on Radio Rosestad 100.6FM.