![Bfn man se selfdood na saak van moord verander](http://100punt6.co.za/wp-content/uploads/gf-154-150x150.png)
Die Vrystaatse polisie het ’n ondersoek na die vermoedelike selfdood van ’n
Bloemfonteinse polisieman, wat verlede maand in raaiselagtige omstandighede in die stad doodgeskiet is, in ‘n klag van moord verander.
Netwerk24 berig die ondersoek na die skietdood van ao. Deon Greeff is in een van moord verander en die saak is aan die onafhanklike polisie-ondersoekdirektoraat oorgegee.
’n Kollega van hom is glo ’n verdagte.
Kol. Thandi Mbambo, provinsiale polisiewoordvoerder, het bevestig met die geregtelike doodsondersoek is bevind Greeff het homself nie geskiet nie.
Die 46-jarige Greeff, wat 27 jaar se diens in die polisie gehad het, is op 12 Januarie dood toe hy ’n vroulike kollega by die huis in Grasland 2 afgelaai het.
Dié kollega is glo kort ná die skietery in ’n psigiatriese hospitaal in Bloemfontein opgeneem en is vermoedelik ‘n verdagte in die ondersoek.
The post Bfn man se selfdood na saak van moord verander appeared first on Radio Rosestad 100.6FM.